黃家駒語錄
- 音樂應該有好多種類，有好多性格，有好多色彩，有好多唔同感情，唔同文化喺裏面，音樂係藝術。
- 音樂唔係娛樂咁簡單，係生命裏面一個節奏，無論你係個點繁忙嘅人，點顧住搵錢嘅人，都唔可以冇音樂。
- 呢樣係我哋心聲，我而家對呢樣嘢有感覺，我大聲啲唱俾大家聽。
- 我覺得每一樣嘢都係發自內心，要感動人一定要感動到自己先。
- 你向嗰社會需要一啲嘢時候，第一個步驟你問你自己俾咗啲乜嘢個社會先，我俾咗音樂。
- 我抱怨緊一樣我唔滿意嘅嘢，我儘量去改變佢，但我不斷咁抱怨但我又唔改變，咁就只係抱怨。
- 我哋唔介意人點睇我哋自己，我就唔覺得我自己反叛，我就覺得自己好正常。
- 我絕對唔希望我地中國人永遠停留響懷緬過去一啲輝煌史裏面，呢啲輝煌史已經過去，我地要建立明日輝煌史，我哋要為將來做得更好。
- 我諗最大理想我諗都係Beyond可以世界巡迴表演，可以帶俾外面嘅朋友睇我地香港都有自己音樂，話俾人聽我哋香港樂隊都有番咁上下份量。
- 我哋可以咁大膽去到咁遠，完全因為有一班好似你哋咁好嘅歌迷。
- 喺我哋未來日子裏面我哋面對好多大時代變遷，我哋會好積極咁面對我地將來變化。
- 我相信今晚一定有啲由1983年支持到我今日嘅朋友喺度，唔係好多，但都應該有啩，再次多謝你嘅。
最新评论